Home Lajme KOSOVË Aktivizohet diaspora, mbi 120 mijë aplikime për zgjedhjet e 14 shkurtit

Sot në orën 18:00 përfundon periudha e aplikimit për t’u regjistruar si votues jashtë Kosovës.

Zëdhënësi i KQZ-së, Valmir Elezi ka thënë se deri më 20 janar kanë pranuar mijëra aplikacione, transmeton IndeksOnline.

“Gjatë periudhës së aplikimit, deri më datë 20 janar, kemi pranuar me dhjetëra mijëra aplikacione për t’u regjistruar si votues jashtë Kosovës. Shërbimi votues është duke u marrë intesivisisht me regjistrimin dhe verifikimin e tyre. Deri më tani në sistem janë future rreth 20 mijë aplikacione për regjistrim. Prej tyre janë aprovuar rreth 14 mijë”, ka thënë Elezi.

Ai ka bërë me dije se deri ditën e djeshme (e martë), kanë pranuar rreth 102 mijë e-maila të pahapura.

“Sipas të dhënave që kemi nga shërbimi votues deri në ditën e kaluar kanë qenë rreth 102 mijë e-maila të pa hapura”, theksoi ai.

“Duhet ta kemi parasysh se ky numëri i raportuar për aplikacionepër të cilat është bërë futja e të dhënave është shifër e cila mund të pësojë ndryshme, sepse mund të ndodh që për të njëjtin person të kemi më shumë se dy aplikacione për regjistrim. Pastrimi i bazës së të dhënave do të bëhet për të evituar aplikacionet që kanë ardhur nga më shumë se dy apo tri here”, ka shtuar ai.

Ndryshe, në zgjedhjet e 2019, KQZ ka pranuar gjithësej 13 mijë e 241 vota të vlefshme nga diaspora.