Kryetari i AAK-së, Ramush Haradinaj iftarin e sotëm e ka kaluar me gastronomët e Kosovës.

Përmes një shkrimi, Haradinaj ka kritikuar Qeverinë, teksa tha se ndihmat e saj nuk kanë qenë të mjaftueshme ndihmat për këtë sektor.

Ai po ashtu ka kërkuar heqjen e menjëhershme të masave kundër Covid-19 dhe hapjen e plotë të ekonomisë.

Postimi i plotë:

Gastronomia i ka bartur pasojat më të mëdha të izolimit dhe masave qeveritare të menaxhimit të pandemisë.

Sonte u bashkuam në iftar me gastronomë nga i tërë vendi, me të cilët biseduam për sfidat me të cilat vazhdojnë të përballen.


Ndihmat qeveritare për këtë sektor, përpos që kanë qenë të vonuara, kanë qenë edhe të pamjaftueshme. Ndërkohë, qeveria ka vazhduar që me masa jologjike, të paargumentuara dhe me panikë, të ndëshkojë edhe më tutje gastronominë.

Pas parasysh që shumica dërmuese e bizneseve që merren me gastronomi janë të vogla ose të mesme, mungesa e ndihmës shtetërore, mund të thellojë edhe më tepër rritjen e papunësisë që mund të çojë deri në rënien fatale të ekonomisë.

Masat qeveritare që merren në kuadër të menaxhimit të pandemisë, kërkojnë analizë të kujdesshme, pasi që shumë prej tyre, kanë shkaktuar pasoja të panevojshme ekonomike.

Pasi që numri i të infektuarve në vend ka shënuar rënie të ndjeshme, kërkojmë heqjen e menjëhershme të masave panikuese dhe hapjen e plotë të ekonomisë, ashtu siç dhe ka premtuar kjo qeveri. Çdo ditë e humbur është e pakompensueshme.

Unë dhe partia që e drejtoj, Aleanca për Ardhmërinë e Kosovës, gjithmonë kemi qenë dhe do të jemi në përkrahje dhe mbështetje të plotë të kërkesave legjitime të gastronomëve. Do të jemi bashkë me ta, për të kundërshtuar padrejtësinë që po i bëhet këtij sektori nga paaftësia e qeverisë që të ndërmarrë hapa të guximshëm në favor të rimëkëmbjes ekonomike.

Ani pse shumë biznese të cilat nuk u ndalën së punuari asnjëherë në pandemi morën nga shteti mbështetje financiare nga masa për punëtorë nga 290 euro, disa biznese individuale që ishin të mbyllura për shkak të masave kufizuese nuk kanë arrit ta marrin këtë mbështetje asnjëherë.Një ndër këto biznese individual, është edhe “Moda sebby” nga Gjilani, që nuk mori asnjë cent, e që ka bërë disa ankesa në Ministri të Financave dhe në Administratën Tatimore të Kosovës.Këta të fundit, pranojnë se janë ende disa biznese që nuk kanë përfituar nga kjo masë, por thonë se janë duke i shqyrtuar ankesat e tyre nga Komisioni përkatës dhe do të marrin përgjigje të shpejtë.
Tansu Emini nga “Moda sebby” tregon se është taksa pagues për më shumë se 12 vjet, dhe mbetet i diskriminuar nga shteti karshi atyre bizneseve që përfituan gati nga 1 milion euro dhe nuk ishin të mbyllura në kohë pandemie.Emini thekson për KosovaPress, se nga dhjetë euro janë të detyruar të paguajnë për çdo muaj për kartelën bankare të biznesit, në anën tjetër sipas tij, asnjë cent nuk morën nga shteti edhe pse ishte kriter nga ATK-ja për këtë kartelë.“Biznesi dy punëtor i ka, unë edhe babi, të regjistruar jemi, prej tetorit na kanë thënë me hap llogari të biznesit dalin paratë. Tri herë ankesë kemi bërë, por prej 16 tetorit e deri më sot paratë nuk kanë dalë, pra asnjë cent, vetëm atë nga 170, asgjë tjetër… (3;07) Ato (qendrat tregtare) kanë punuar kanë marrë para, ndërsa ne s’kemi punuar edhe shumica e kolegëve që jemi me lokale brenda, vetëm dy veta i kanë marrë paratë, 20 jo”, thekson Emini.

Zëdhënësja e ATK-së, Valentina Bytyqi-Sefa thekson për KosovaPress se secili tatimpagues që nuk ka arrit të marrë mbështetjen prej 290 euro, fillimisht duhet të bëjë ankesë, të cilat shqyrtohen shpejt nga Komisioni përkatës.

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 2.784 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 153 raste pozitive.
Brenda 24 orëve është raportuar 1 rast i vdekjes me SARS CoV-2 pozitiv nga komuna e Mitrovicës (47 vjeç).
Numri total i rasteve pozitive është 106.345 raste nga 552.070 persona të dyshimtë në virusin SARS-CoV-2 dhe 2.203 raste të vdekjes.
Gjatë 24 orëve të fundit, janë shëruar 327 pacientë derisa numri i përgjithshëm i të shëruarve deri më sot është gjithsej 97.384 raste, kurse numri i rasteve aktive është 6.758.
Rastet pozitive janë nga komunat: Prishtinë 29 raste, Ferizaj 16 raste, Podujevë 16 raste, Gjakovë 15 raste, Mitrovicë 12 raste, Prizren 10 raste, Gjilan 6 raste, Skenderaj 6 raste, Pejë 5 raste, Vushtrri 5 raste, Drenas 4 raste, Istog 4 raste, Lipjan 4 raste, Obiliq 4 raste, Suharekë 3 raste, Viti 3 raste, Fushë-Kosovë 2 raste, Klinë 2 raste, Malishevë 2 raste, Rahovec 2 raste dhe me nga një rast komunat: Kaçanik, Mamushë dhe Novobërdë.
Mbuloni gojën dhe hundën me maskë!
Mbani higjienën!
Respektoni distancën!

Kreu i Aleancës për Ardhmërinë e Kosovës (AAK), kujton Ekrem Rexhën, me rastin e 21 vjetorit të vdekjes së tij.

Haradinaj tha se Komandant Drini u bë pjesë e historisë së Ushtrisë Çlirimtare të Kosovës në të cilën e dëshmoi veten si udhëheqës i zoti, strateg dhe vizionar.

“Njëzetenjë vjet pa Ekrem Rexhën! Komandant Drini, u bë pjesë e historisë së lavdishme të UÇK-së, në të cilën u dëshmua si udhëheqës i zoti, strateg dhe vizionar”.

Ai tha se Rexha ishte njeri i afërt dhe i respektuar nga të gjithë dhe se vrasja e tij ishte humbje e madhe për gjithë vendin.

“Njeri i afërt e i respektuar nga të gjithë, vrasja e tij ishte humbje e madhe për vendin, dhembje e madhe për familjen, bashkëluftëtarët dhe të gjithë ata që e njohën. Lavdi jetës dhe veprës së Komandant Drinit!”