Home Lajme KOSOVË GJENERALI JOHN ALLEN VJEN NË KOSOVË PËR BISEDIME KUNDËR ISIS

Kosova është pjesë e koalicionit amerikan të ndërtuar për luftë kundër luftëtarëve të shtetit Islamik të cilët kontrollojnë pjesë të Sirisë dhe Irakut, në të ashtuquajturin Shteti Islamik i Irakut.

I dërguari i posaçëm i presidentit të Shteteve të Bashkuara për Koalicionin Global për kundërvënie ISIS-it, gjenerali amerikan, John Allen do të vijë të enjten për një vizitë njëditëshe në Kosovë ku do të takohet më udhëheqësit e vendit për të biseduar lidhur me progresin e koalicionit dhe për çështje të tjera rajonale, ka njoftuar me një kumtesë zyra e zëdhënësit të Departamentit Amerikan të Shtetit.

Gjenerali Allen do të udhëtojë edhe në Doha në Katar, ku sot do të flasë në forumin botëror Islamik dhe të SHBA. Prej aty pastaj do të udhëtojë për në Prishtinë, raporton RTK.

Kosova nuk do të jetë vendi i vetëm të cilin do ta vizitojë gjenerali amerikan. Ai do të udhëtojë edhe në Budvë në Mal të Zi në një forum dyditësh për sigurinë ku do të zhvillohen takime bilaterale me partnerët e koalicionit dhe me zyrtarë të sigurisë.

Allen pastaj do të udhëtojë në Sarajevë, Zagreb dhe Romë ku me partnerët e këtyre vendeve do të diskutojë një numër çështjesh të koalicionit, përfshirë edhe përpjekjet e masave financiare dhe mbështetjen për stabilizimit dhe rimëkëmbjen e Irakut, thuhet në njoftimin e qeverisë amerikane.

 

KULTURË

0 2770

Xamia Tur-u Sina në Etiopi, e cila prej më shumë se gjysmë shekulli ka arritur të ekzistojë që është e ndërtuar prej kashte,...