Home Lajme KOSOVË Qeveria në ardhje jo vetëm se nuk do ta bëjë autostradën e...

Qeveria në ardhje jo vetëm se nuk do ta bëjë autostradën e Dukagjinit, por edhe do të hetojë për 50 milionët e ndara për të…!

Qeveria në largim këmbëngulë që autostrada e Dukagjinit të ndërtohet. Por ajo në ardhje mbetet kundër kësaj. Në Lëvizjen Vetëvendosje dhe Lidhjen Demokratike të Kosovës deklarojnë se ky projekt do të stopohet, pasi qyteteve të Dukagjinit nuk iu nevojitet një autostradë e tipit të mbyllur. Madje, thonë se ky projekt edhe do të hetohet.

Edhe pse Qeveria në largim ka shpenzuar mbi 1 milion euro për fizibilitetin e projektit të autostradës së Dukagjinit, dy partitë që pritet ta formojnë Qeverinë e re, kanë qëndrim të prerë për ta ndaluar së realizuari këtë projekt infrastrukturor.

Megjithatë, Ministria e Infrastrukturës dhe Transportit ka paraparë edhe 50 milionë euro për vitin 2020, për këtë autostradë që lidhë komunat Istog-Pejë-Deçan-Gjakovë-Prizren, në gjatësi mbi 90 kilometra.

Përfaqësues të Lëvizjes Vetëvendosje dhe Lidhjes Demokratike të Kosovës, parti këto që do pritet ta formojnë qeverinë e re, janë deklaruar se nuk do të lejojnë ndërtimin e autostradës së Dukagjinit.

Nga VV-ja Besnik Bislimi i tha KosovaPress-it, se projekti për autostradën e Dukagjinit do të stopohet, madje edhe do të hetohet nga qeveria e re. Bislimi tregon se do të hetohen edhe disa projekte të tjera që kanë nisur nga qeveria në largim me disa kontrata të dyshimta korruptive.

“Haradinaj nuk është kujdesur shumë për projekte madhore, në diçka që ka impakt të madh në ekonomi. Më shumë ka qenë i fokusuar në projekte ku ka qarkullim shumë të parave dhe rrjedhimisht ka mundësi të mëdha për përfitime anash. Në këtë kontest edhe ka filluar shumë procese jo me idenë me përfunduar ato, por vetëm me krijuar njëfarë imazhi se po punohet dhe qysh në start ndoshta me pasur disa përfitime. Nuk është këtu vetëm autostrada e Dukagjinit, por kemi të bëjmë edhe me kontratën ‘Bechtel-Enka”. Është një kontratë tjetër me Aeroportin e Prishtinës. Ka shumë kontrata bajagi korruptive, të cilat jo vetëm që do të stopohen, mirëpo edhe do hetohen”, deklaroi Bislimi.

KULTURË

0 2772

Xamia Tur-u Sina në Etiopi, e cila prej më shumë se gjysmë shekulli ka arritur të ekzistojë që është e ndërtuar prej kashte,...