Home Lajme BOTË Rumania mund të drejtohet nga një kryeministre muslimane

Rumania mund të drejtohet për herë të parë nga një kryeministre femër. Liviu Dragnea, kreu i partisë Social Demokratike të Rumanisë, që fitoi zgjedhjet e fundit parlamentare, propozoi këtë të mërkurë emrin e Sevil Shhaideh për postin e kryetares së ekzekutivit

Presidenti Klaus Iohannis po konsultohet ndërkohë me udhëheqësit politikë, përpara se të shpallë kandidatin për kryeministër, i cili duhet të miratohet më pas në Parlament. Nëse ligjvënësit do ta miratojnë propozimin e Dragneas, Shhaideh do të bëhej gjithashtu edhe e para kryeministre myslimane e vendit.

Dragnea e ka të ndaluar të bëhet kryeministër i vendit për shkak të një dënimi për manipulim të zgjedhjeve në të kaluarën.

Të mërkurën, Dragnea e quajti dënimin e prillit të këtij viti si “të padrejtë” dhe tha se ligji, i cili ia ndalon atij të kryesojë ekzekutivin “të paktën për momentin”, është “thellësisht antikushtetues”.

Parlamenti i ri pritet me shumë gjasë që të votojë për ndryshimin e ligjit të vitit 2001, i cili ndalon cilindo të dënuar penalisht të mbajë poste ministrore.

Shhaideh, shumë pak e njohur në spektrin politik, ka qenë ministre për Zhvillimin Rajonal gjatë vitit 2015 për një periudhë 6-mujore, pikërisht në atë ministri ku ajo kishte punuar që prej vitit 2012.

Socialdemokratët e së majtës rumune fituan me lehtësi zgjedhjet parlamentare të 11 dhjetorit, megjithatë nuk arritën të siguronin shumicën e nevojshme, ndaj dhe do të qeverisin vendin në koalicion me një partner të pakicës./ Top Channel /

KULTURË

0 2770

Xamia Tur-u Sina në Etiopi, e cila prej më shumë se gjysmë shekulli ka arritur të ekzistojë që është e ndërtuar prej kashte,...